Алкендер. Полиэтилен. Зертханалық жұмыс № 2 «Этиленнің, ацетиленнің, мұнай үлгісінің және бензолдың калий перманганаты және бром/ йод суы ерітінділеріне әсері». Химия, 11 сынып, қосымша матерал 2.

 Әдістемелік нұсқаулық

 Бұл сабақта «Көмірсутектер және олардың табиғи көздері» бөлімі бойынша қоғамдық-гуманитарлық бағыттағы 11-сыныпқа арналған «Химия» курсы бағдарламасында қарастырылған «Алкендер. Полиэтилен. Зертханалық жұмыс № 2 «Этиленнің, ацетиленнің, мұнай үлгісінің және бензолдың калий перманганаты және бром/ йод суы ерітінділеріне әсері»» тақырыбы қаралады.

 Сабақ жаңа тақырыпты қарастыруға, білімді бекітуге және қарастырылған тақырып бойынша дағдыларды қалыптастыруға арналған.

 Бағдарлама бойынша бұл сабақ 1 сағатта қарастырылу керек, бірақ материалдың көптігі мен қиындығы 2 сағатты қажет етеді.

 Ескертпе:

 Осы тақырыптағы «Этиленнің, ацетиленнің, мұнай үлгісінің және бензолдың калий перманганаты және бром/ йод суы ерітінділеріне әсері» зертханалық жұмысы тағырыптың оқу мақсатына сай келмейді, себебі оқушылар ацетиленнің және бензолдың химиялық қасиеттерімен таныс емес. Сондықтан, оқушылар зертханалық жұмысты бастамас бұрын ұсынылған видеокөрсетілімдермен танысып алғаны дұрыс.