Асқар Алтай «Прописка» әңгімесі 1-сабақ (6 сынып, IV тоқсан )

Пән: Қазақ әдебиеті
Бөлім атауы: Тәуелсіздік - қасиет тұнған ұлы ұғым
Сабақтың тақырыбы: А.Алтай «Прописка» әңгімесі 1-сабақ
Осы сабақ арқылы жүзеге асатын оқу мақсаттары: А/И4. Шығармашылық жұмыс Б/С4.Әдеби сын
Сабақтың мақсаттары:
Барлық оқушылар:
Эпизодтардың берілу себебін түсіндіріп, сыни пікір білдіреді.
Көптеген оқушылар:
Берілген тіркестермен әдеби, көркем сөйлем құрастыра алады.
Кейбір оқушылар:
Берілген үзіндіні өз ойымен жалғастырады.
Сабақ барысы:
Қызығушылықты ояту кезеңі
Алдыңғы білімді тексеру әрі сергіту: Әуен қойылады. Бір қалпақты ауыстыра отырып, бәрі билейді. Әуен тоқтаған кезде, кімнің басында қалпақ қалып қояды, сол оқушы әңгімені оқыған кезде өзіне ерекше әсер еткен тұсын «Ең...» деген сөзді қосып әңгімелеп айтуы керек.
Топтық жұмыс
А.Алтай «Прописка» әңгімесіндегі ерекше эпизодтарды қандай тәсілдермен немесе қалай берген?
Өз пікірлерін дәлелдеу мақсатында оқушылар өздеріне әсер еткен мысалдар мен себептер тізімін жасайды. Жасалған тізім топ ішіндегі оқушылар тарапынан кезегімен толықтырылады.
Жазушы ерекше эпизодтарды қандай тәсілдермен немесе қалай берген?
мысалдар себептер
Бағалау критерийі:
1. Эпизодтардың берілу себебін түсіндіреді.
2. Сыни пікір білдіреді.

Жеке жұмыс
А деңгей
«Сергелдең Сері» атанған Архатқа мінездеме беріңіз.
Бағалау критерийі:
- Шығармадағы бас кейіпкерге мінездеме бере алады.
В деңгей
Берілген тіркестермен сөйлем құраңыз. Барынша әдеби, көркем сөйлем құруға тырысыңыз.
Наурыз жылымығы, көзі ілінбеу, сиыр жалағандай, мұрты бұзылмаған, көз жіберу, сергелдеңге түсу
Бағалау критерийі:
1. Берілген тіркестердің мағынасын түсінеді.
2. Әдеби сөйлем құрастыра алады.
С деңгей
Берілген үзіндіні өз ойыңызбен жалғастырыңыз.
Әйгілі Желтоқсанның жөні тіптен бөлек. Ол үшін өліп кетсең де арман жоқ. Қойша қамалып, тырнаша жұлынған, көк мұз алаңда жер жастанған қай жайсаң қыз-жігіттен жаның артық?!.
Бағалау критерийі:
- Үзіндіні өз ойымен жалғастырады.
Рефлексия «Өз жауабын аргументациялау»
1. Мен сабақта жұмыс жасадым..., себебі ...
2. Сабақтағы жұмысыма мен...
3. Сабақ маған... көрінді.
4.Сабақ барысында мен...
5. Сабақ материалы маған...
6. Менің көңіл-күйім...
Оқушылар бір сөйлеммен сабаққа кері байланыс жасайды.....