Асқар Алтай «Прописка» әңгімесі 4-сабақ (6 сынып, IV тоқсан )

Пән: Қазақ әдебиеті
Бөлім атауы: Тәуелсіздік - қасиет тұнған ұлы ұғым
Сабақтың тақырыбы: Асқар Алтай «Прописка» әңгімесі 4-сабақ
Осы сабақ арқылы жүзеге асатын оқу мақсаттары: А/И1. Әдеби шығарманың композициясы
Сабақтың мақсаттары: Шығарма композициясындағы белгілі бір эпизодтың алатын маңызына негіздеме жасау.
Сабақ барысы:
І. Қызығушылықты ояту «Мақалды аяқта»
Ер елі үшін туады.........................................., (елі үшін өледі)
Отан үшін күрес ........................................., (Ерге тиген үлес)
Ата-ананың қадірін балалы болғанда білесің,
Ағайынның қадірін ................................. (жалалы болғандда білерсің)
Үй тапсырмасын сұрау
Оқушылар мақалды түгел тауып, айтқан соң шығарма мазмұнымен байланыстыра әңгімелейді.
Оқу мақсаты, бағалау критиерийлері таныстырылады, талқылайды.
Мағынаны тану Эпизодтармен жұмыс (эпизодтың не екенін мұғалім түсіндіреді)
Эпизод – көркем шығарма сюжетіндегі өз алдына мәні бар, өзара байланысқан оқиғаның бір бөлшегі, көрінісі. Әр эпизод кейіпкердің белгілі уақыт аралығында өткен қимылын, ісін, екі не одан көп кейіпкерлердің арасында болып жатқан құбылыстардың біткен кезеңін көрсетеді.
Топтық тапсырма
Оқушыларды сынып ерекшелігіне сай топқа біріктіреді. Барлық топқа бірдей шығарманың оқиға желісі аралас жазылған қағаздар таратылады. Оқушылар оқиғаны мазмұн желісіне қарай номерлеп шығып, дұрыс жауабы арқылы тексереді.
Оқиғалар реті:
Өскеменнен Күршімге жол тартқан шағын сары автобус
Наурыз өтіп, сәуір туса да сыр бере қоймаған Алтай табиғатына қарап ойға шомған Архат
Туған жерге жол салғызған «Сергелдең сері»
«Желтоқсаншы» деп байбалам салған Николай бригадирдің әлегі
Шағын сары автобус жолаушыларын үрейге салған Алтайдың тентек желі
Боранмен арпалысқан жолаушылар
Боранға қарсы шыққан үш жігіт
Самарға жеткен сары автобус
Үш жігіттің хабары
Ымырт аязынан тітіркенген Архат
Ойтолғаныс кезеңі «Тұжырым мен себеп»
Оқушылар шығарманың көтерілген идеясы мен тақырыбына сай маңызды деп тапқан бір эпизодты таңдайды. Сол эпизод пен желтоқсан оқиғасын байланыстыра отырып, бір тұжырым жасап кестеге жазады, келесі бағанға себебін жазады (неге мұндай тұжырымға келді, бұл тұжырым нені білдіреді?).
Тұжырым Себеп
Дескриптор:
- маңызды эпизодты таба алады;
- себебін жазады. .....