Практикалық жұмыс № 3 «Кейбір аниондарға сапалық реакция» тақырыбына эксперименттік есептер шығару (Химия, 10 сынып, IV тоқсан)

Пән: Химия
Ұзақ мерзімді жоспар бөлімі: Маңызды p-элементтер және олардың қосылыстары
Сабақ тақырыбы: Практикалық жұмыс № 3 «Кейбір аниондарға сапалық реакция» тақырыбына эксперименттік есептер шығару
Осы сабақта қолжеткізілетін оқу мақсаттары: 10.2.1.43 хлорид-, бромид-, йодид-, сульфат-, карбонат-, фосфат-, нитрат-, силикат- иондарына сапалық реакцияны білу;
10.2.1.44 аниондарды анықтау бойынша тәжірибе жоспарын құру және оны іс –жүзінде жүзеге асыру;
Сабақ мақсаттары: Хлорид-, бромид-, йодид-, сульфат-, карбонат-, фосфат-, нитрат-, силикат иондарын анықтау үшін тесттерді жүргізе білу.
Берілегн сапалық талдау бойынша реакция теңдеулерін жаза алу.

Оқушыларды түгелдеу. Сабаққа дайындығын тексеру.

(І)ӨТКЕН САБАҚПЕН БАЙЛАНЫС
Тапсырма сипаты: «Металл катиондарының жалын түсін ажырату». Бірінші оқушы металл катионын, екінші оқушы қандай түске ие болатының айтады. Осы бағытпен сынып оқушылары толық біткенше жалғасады.

Бағалау: Бірін-бірі бағалайды.
Кері байланыс: оқушы-оқушы.
Оқушыларға бүгінгі сабақтың тақырыбы, мақсаттары таныстырылады.

(G,E) №4 ЗЕРТХАНАЛЫҚ ЖҰМЫС
Тапсырма сипаты:
Тұз ерітінділеріндегі аниондарды анықтау зертханалық жұмысын:
-Хлорид-, бромид-, йодид-, сульфат-, карбонат-, фосфат-, нитрат, силикат иондарын анықтау үшін тесттерді жүргізе білу.
-Берілегн сапалық талдау бойынша реакция теңдеулерін жаза алу
жұмыс мақсаттары бойыншa жұпта нұсқаулыққа сәйкес орындайды.
Оқушы іс-әрекеті: Нұсқаулықпен танысады, құрал-жабдықтарды, реактивтерді тексереді, жұмыстағы қауіпсіздік ережесін анықтайды. Бақылау нәтижелерін кестеге толтырады.
Мұғалімнің іс-әрекеті: Оқушылардың жұмысын бақылайды. Бағалау жүргізеді.

ЖҰМЫСТЫ ҚОРЫТЫНДЫЛАУ
Оқушылар тақтадағы кестеге анықтаған иондары және байқалған сигналдарды, реакция теңдеулерін жазады. Берілген кестеге талдау, қорытынды жүргізеді.......