Бауыржан Әліқожа (Жанарымдағы жыр)

Көңілдің көзіңде мұң,
Таппадым өзім де емін.
Сергелдең сезімдерім
Жамылды төзім кебін.
Емшісі өзің бе едің, Жанеркем?!

Мың батпан мұң арқалап,
Кептердей сыңар қанат.
Ұша алмай секеңдеймін,
Шық жасын іркіген гүл-
Дариға-ай, шіркін өмір!
Өзіңсіз бекер деймін, Шандозым.

Санамды жаншып іңір,
Үйірді-ау қамшыны бір.
Жүрегім, салшы дүбір.
Сені ойлап жанарымнан,
Үзілді тамшы-ғұмыр...
Еһ, кермиық қыз!