Той тілегі

Дүние-думан әлемді сан айналып,
Жеткендей дүбірлі той тағы айналып.
Жұбайлардың көңіліне шуақ шашты,
Басталды бақыт тойы арайланып.

Той десе, думанды күй табылады,
Естілер қуаныштың тағы да әні.
Жаңадан бой көтерді жас отау боп,
Мінеки, екі жастың шаңырағы.

Бақыт құс осы отауға келіп қонсын,
Қос ғашыққа сезімі серік болсын.
Отау құрған бүгінгі жұбайлардың,
Мәңгілік махаббаты берік болсын.

Бұл тойға арнап бүгін жыр еткені,
Жақындардың сөзі еді жүректегі.
Бас қосқан екі жасқа арнап айтқан,
Қабыл болсын барлық жұрт тілектері!

---

Қажетті сілтемелер:

• Тойға арналған мұсылманша тілектер топтамасы
• Қыз ұзату тойында әке тілегі мен батасы
• Үйлену той: жас жұбайларға ең әсерлі тілектер топтамасы
• Тойда бата беру, үйлену той батасы

Қарап көріңіз 👇