Үйлену туралы ✍️

Ілмек бойынша іздеу:

Екі қатын алғаның —
Өзіңді отқа салғаның.

Керенауды күлісінен білерсің,
Сүр бойдақты жүрісінен білерсің.

Қасық асым —
Қайғысыз басым.

Қатыны өлген
Қызды ауылға қарап жылайды.

Жаман қатын алғанның
Жауы үйінде.
Екі қатын алғанның
Дауы үйінде.

Келіннің бетін кім бұрын ашса,
Сол ыстық.

Күндестің күні де күндес,
Күлі де күндес.

Бір қатын сылаумен қатын,
Бір қатын қынаумен қатын,
Бір қатын сынаумен қатын.

Ер жігіттің аты жақсы болса бір бақыт,
Алған жары жақсы болса мың бақыт.

Бір үйде екі әйел болса — ойран,
Бір үйде екі сиыр болса — айран.

Байсыз қатын — баусыз оймақ.

Әркімдікі өзіне,
Ай көрінер көзіне.