Найзағай туралы Жұмбақтар жинағы ✍️

Ілмек бойынша іздеу:

Алтын қамшы аспандаЖарқ еткенде, жасқанба.(Найзағай)

Көк аспанды байытқан
Қара бұлтқа тәп-тәуір
Пайда болып ғайыптан,
Ғайып болды от-тамыр.

Жауабы: Найзағай

Бір нәрсе жоғарыда от жағып тұр,
Дабылдап дабылын ол қағып тұр.

Жауабы: Найзағай

Бір нәрсе жоғарыда от жағып тұр,
Дабылдатып дабылын ол қағып тұр.
От жағып, дабыл қағып тұрғанында,
Сабалап төмен қарай су ағып..

Бір нәрсе етегі кең, найзасы бар,
Қосылған адамзатқа хайласы бар.
Мекені жерде емес, көлде емес,
Адамға әр уақытта пайдасы бар.

жауабы
Найзағай

Айдаһар аузын ашса, арс етеді,
Гауһары жерге түссе, жарқ етеді.

жауабы
Найзағай

Аспанда бір нәрсе бар жылмаңдайды,
Тау басында жүгіріп қылмаңдайды.
Жанына жан иесі жақын келсе,
Бақырып бассалуға тайынбайды.

жауабы
Найзағай

Қырда қылыш жарқылдайды.

жауабы
Найзағай

Жардай дәулер соғысты,
Жарқ-жұрқ етіп оқ ұшты.
жауабы
Бұлт пен найзағай

Дүрліктіріп қырқаны,
Шақпақ тастың жарқылы
Бұлт көрпесін жыртады.

жауабы
Найзағай

Аспанды от қамшы осады,
Ащы үнiн ышқынып қосады.

Арыстан арқырады,
Орман жарқырады.

Бір нәрсе жоғарыда от жағып тұр,
Дабылдап дабылын ол қағып тұр.