Ақын өлеңдері жинағы ✍️

Жабырқама жүрегім, жабырқама,
Қарап қалдың сен неге назырқана.
Мендегі бар бақыттың иесі өзің,
Бәрін де ал әйтеуір азырқама.
Азырқама, жүдеме, уайымдама,
Салмақ түссе сөздерден пайымда да.
Кіп-кішкентай періштем мен қайтейін,
Сен ортақсың мұңыма, қайғыма да.
Мұңыма да ортақсың, шаттығыма.
Шаттық болса, көңілдің ақтығы да.
Тілегім- сен мүдіріп қысталмасаң,
Тәтті өмірдің мына сан соқпағында.