Ақын өлеңдері жинағы ✍️

Әділеттің тілімен маған тіл қат,
Сүйін, күйін,
жазала мені шыңдап.
Тірілердің мұраты, әруақ рухы,
Сені сүю арқылы ғана қымбат.
Ақын-жүрек неден де жасқанар ма,
Үгітіліп жолында тас қалар да!
Сені ешкімге еншіге бере алмаймын,
Иісіңді де қимаймын басқаларға.
Енді сенен безініп, жек көргенім –
Босқа келіп өмірге, текке өлгенім!
Сенің тәттілігіңнен өмір тәтті,
Маған тірек болғаның – жеткергенің.