Ақын өлеңдері жинағы ✍️

Жүрегіме жара сап ең,
Тыртық қалды орнында!
Жұрт көзінен жаба сап ем,
Өршеленіп болдың ба?
Жара түскір кезек алып,
Ісінді де ұлғайды.
Алынбайтын өзегі анық
Дертке айналды – бұл қайғы!
Өзің тілеп алған дерттен
Ем табылмас – сол жақсы!
Аяқ асты қалған серттен
Не қасиет болмақшы?!
Аспан асты, жер үстінен
Табылар-ау орын да!
Тілемеймін тегісті мен,
Бұралаң көп жолымда.
Сүрінермін, құлармын да,
Жылармын да қамығып!
Шым батармын мұнар мұңға,
Жалғыздықтан жабығып!
Бірақ өткен өміріме
Өкінбестен өтермін.
Армандаған өңіріме
Бәлкім, кештеу жетермін.