Ақын өлеңдері жинағы ✍️

Жүрегімнің ішінде
Жүгендеулі, ерттеулі арабы айғыр
Шылбыр тартып,
Шырқырап тұр азынап.
Босатпауды көңілім қаламай тұр –
Ал, босатсам,
Жасайды-ау күнә бірақ,
Босатпаймын!
Босатам!
Босатпаймын!
Босатамын –
Сергісін бір азырақ!
Алдым бәрін –
Жүгенін де,
Ерін де,
Ноқтасын да,
Ақ сағымдай бұлдырлап кетті шауып.
Шақырсам да енді ол тоқтасын ба?
Құлай кеттім шалғынға есім ауып...
Айғыр сынды сезімге ерік беріп,
Мен осылай жатамын ауық-ауық.