Ақын өлеңдері жинағы ✍️

Қиялым қай жаққа шақырдың,
Жүрекке мұң дәмін татырдым.
Жырың боп төгіліп тынсам ғой,
Кімің боп сағынып отырмын...
Бал ернін сүйгізсе шекер-күн,
Өзіңдей жаныма жетер кім?
Бақыттың бәрін де жатсынып,
Кімің боп кездесер екенмін?
Желдің де лебінен мұздамақ,
Өмірде қонар ма қызға бақ?
Өз дертін өзіне өрт санар,
Жұп-жұмсақ жүрегін жұлмалап...
Көңілдің көйлегін шеш, келіп,
Өлеңде қалдырып естелік...
Ақылды болып та адастық,
көрейік сабырдан сескеніп!