Ақын өлеңдері жинағы ✍️

Жүректің есігін қаға берме!
Бәрібір, ашпаймын.
Құлыптаулы.
Сағыныш-моншақты таға берер
Өзімді үйрендім ұлықтауды.
(Көзсіз боп келіпті көңіл кеше,
Қайтара алады уақытты кім?)
Мен енді Өзіңсіз өмір кешем,
Мен енді Өзіңсіз бақыттымын!
Жазмышқа жазылған үкім ...(білем!)
Сөндірдім Сезімді алып-ұшқан.
Жолыңа қарайлай күтіп жүрер
Бағынғым келмейді Сағынышқа.
Жатыр ма бойыңда бұлқынып шер?
Ойлап ең сен мені жат емес деп.
Болмайсың жүректің тұрғыны сен,
Қателеспе!
Жүректің есігін қаға берме!
Көңілдің кілтімен құлыптаулы.
...Араға уақыт сап соға берер
Мен сені ұмытқанмын.