Ақын өлеңдері жинағы ✍️

Тағы да ақыл, жүрек арпалысы,
Бұл баста жөнді ой жоқ, талқан іші.
Бергенше өгейсіте өтінемін
Сезімнің сорлы қылған тарқа күші.
Сенделген сені ойлаумен сиық мынау,
Қабаққа жайғасқандай күйік қырау.
Адасқан ақ теңізде ақ жүрекпен
Халімді көрмейсің бе сүйіктім-ау?
Кірер деп өң бойыма әлі-ақ шырай,
Тәңірден жүрмін сол бір тағат сұрай.
Тастаған жүректі ұрлап жапан түзге
Кезіккен қапияда қарақшым-ай.
Демеймін бұл сезіммен кем күрестім,
Келсе де қарсы тұрдым «селді көшкін».
...Ендігі күндерімде күлкі қашқан
Бір өзің келмей ешбір сергімеспін.
Қалмасын десең бағым қысқаланып,
Келесі күніме өзің нұсқа бағыт.
Жүр десең, тау тасыңа қaрамаймын
Қолымнан ұстап алып...