Ақын өлеңдері жинағы ✍️

Болады жүрегі өлсе адам қатал,
Пендені шайтан билеп арандатар.
Достарды ажыратып, талқан қылып,
Соңынан “іс бітті” деп қарап жатар.
Тоқтаусыз тойлап жатыр төңірегім,
Мен ғана таба алмаймын көңіл емін.
Сен менен не қалайсың, о, Жүрегім,
Өмірдің өткелінен не білемін?!
Жаныма жағатұғын таптым дәрі,
Ол – мәңгі баратұғын жақтың қамы,
Белгілі, баста бекем бақ тұрмағы,
Бүтін бе астыңдағы ат тұрманы?!