Ақын өлеңдері жинағы ✍️

Үмітімді еш уақытта үзбедім,
Арманымды тек алдыдан іздедім.
Күдігім де күнделіктен өшпеді,
Не болып, не қоярын да білмедім.
Бір шындық бар өзгермейтін өмірде,
Үмітте сол, күдік те сол көңілде.
Жарық барда көлеңкең де қасыңда,
Қараңғыда көрінбейсің өзің де.
Жырласаң да, шырқасаң да əн қылып,
Күндіз жарық, түн қараңғы мəңгілік.
Қиял кетсе қиырларға қаңғырып,
Ғайып болад кеш кіргенде таңғы үміт.