16.03.2022
  152


Автор: Абдрахман Асылбек

Ана тілім

Ана тілім – дана тілім,
Ана тілім – дара тілім.
Ең бастысы, елім үшін
Ана тілім – бала тілім.
Ана тілмен тілім шығар,
Тілмен бірге үнім шығар.
Ана тілін білген күннен
Күлім қағып күнім шығар.
Үлгі-өнеге алатыным,
Ана тілім – баба тілім.
Тыңдап тәтті ертегілер,
Қиял қанат қағатыным.
Аялаған дана халқым,
Ана тілім – сана, салтым.
Ана тілде сөйлемесем,
Болмас ешбір баға, парқым.
Ана тілсіз, ұғын, жолдас,
Мемлекет те мығым болмас.
Өзге тілмен жалпақтаумен,
Өзгелерге сыйың болмас.
Ана тілсіз күнім болмас,
Бес тиындық құным болмас.
Өз тілімде сөйлемесем,
Қазақ деген ұғым болмас.





Пікір жазу