Ақын өлеңдері жинағы ✍️

Жүректе жылу бермеді,
Жанбай-ақ қойды пендеге.
Жоғалтқан жырым сен бе едің,
Өшірем оны мен неге?
Әлде сен, мені жек көріп,
Жанымды жұмбақ түсінбей.
Өзімшіл ойдан арылмай,
Кеттің бе қалқам кешірмей.
Айтқан бір сөзден айнымай,
Иілмей жаным жүрмісің.
Күрмеуге мұрсат бермедің,
Тәкаппар шыңдай өрмісің.
Өр едің жаным, өр едің,
Сенбеске себеп қалмаған.
Тағдырдың сый сол болса,
Сараңдау болды ол маған.