17.09.2021
134
Жүрекке әмір жоғы рас
Үй жым-жырт,
Жан жоқ қасымда.
Отырмын ойға шырмалып
Қоңыр ән күңгірт нашында,
Тұнжыр кеш, тылсым бір қалып.
Ақылға салып тіл қатсам,
Тағатым мойын бұрмайды.
Сабырын барша ұрлатқан,
Тынымсыз жүрек тулайды.
Жан – қартаймас мәңгі жас,
Жабылып қалу оңай ма!
Жүрекке әмір жоғы рас,
Мың толған, мейлің он ойла.
жүрек Тұрсынхан Әбдірахманова Тұрсынхан Әбдірахманова өлеңдері Тұрсынхан Әбдірахманова шығармашылығы