07.04.2021
973
Жазушының қанағаты
Бұл сөзді біреу алмас, біреу алар,
Құлағын біреу салмас, біреу салар.
Теп-тегіс көпке ұнау оңай емес,
Кейіне жарамаса, кейіне жарар.
Қайсысы ықыласын салып тыңдап,
Жаратпай қайсыбірі, теріс қарар.
Дүниеде сүйгенім бар, күйгенім бар,
Солардан аз да болса белгі қалар.
жазушы қанағат құлақ Ахмет Байтұрсынұлы Ахмет Байтұрсынұлы өлеңдері Ахмет Байтұрсынұлы шығармашылығы