Ақын өлеңдері жинағы ✍️

(үміт оты)
Бұл өмір арқан тектес сөккен жібін,

Сөгілген жіп ол сенің өткен күнің.

Асықтың алшысындай жақсы жандар,
Үмітпен күтіп алар жеткен күнін.

Асығымның алшысын күткендіктен,

Ұтылмай, ойнап келем бүкпен, шікпен.

Ал біреулер бұл өмірде асығады,

Қырандай жемтігінің жүнін түткен.

Менің де жоспарлаған жолдарым бар,
Үмітім бар
Алланың сыйын күткен,
Сол үміттің тұрғанда оты жанып,
Жарықтанар өлеңмен үйім тіккен.

Арманымның нүктесін күтіп жүрмін,

Сәбиімнің шырылы – менің нүктем.