Жұмбақтар жауабымен: Жануарлар (сиыр, қоян, мысық, ешкі, тасбақа, зебра, аю, мал, бота, түйе)

14.10.2016

Айран берген, құрт берген,
Шелек-шелек сүт берген,
Айтыңдаршы балалар,
Бұл қандай мал, кім білген?
Сиыр

Басында мүйізі бар,
Үстінде киізі бар.
Сиыр

Өзінше ноян
Қорқақ кім?
Қоян

Тонын киіп туған,
Жалап бетін жуған.
Мысық

Қаңғырамын үйім жоқ,
Ауылдардың қойы көп.
Ұрлық,зорлық кәсібім,
Тамақтанар-нәсібім.
Қасқыр

Бұл не қылған ер еді?
Қандай мықты жүрегі.
Түздің маңғаз түлегі,
Бір ұрттам су татпастан,
Мың шақырым жүреді.
Түйе

Басында үшкір істігі бар,
Өзіне лайықтап тон пішкен,
Секіріп тастан түскен.
Ешкі

Аяғы бар, басы бар,
Арқасында тасы бар.
Тасбақа

Түрі - жылқы бейнесі,
Жолақ-жолақ жейдесі.
Зебра

Далада жүр шапқылап
Керемет бір саққұлақ.
Қоян

Тәтті көрсе бас салар,
Айнымайды баладан.
Аю

Мұрты бар, сақалы жоқ,
Тоны бар, шапаны жоқ.
Мысық

Сулы жерді мекендеп,
Құрлықта да секеңдеп,
Шыбын-шіркей аңдиды,
Жемге қашан жетем деп.
Бақа

Сұрқы бір қарыс,
Итбалыққа ұқсайды.
Ұмтылғанда — жолбарыс,
Сүңгіп шабақ ұстайды.
Сушылқара

Түйеде жоқ, ешкіде бар,
Доңызда жоқ, қоңызда бар.
Мүйіз

Түрлі-түрлі түр кілем,
Түр аласы бір кілем.
Малдың шуы

Он екі түйе, он жылқы, тоғыз сиыр,
Бес ешкі, бір жарым қоян.
Малдың бала көтеретін уақыты

Жол, жол, жол жатыр,
Жол айнала қол жатыр.
Тамақ қолдың ішінде,
Айдаһар жегір хан жатыр.
Малдың өті

Айтайын айт дегенде, ая батыр,
Болғанда асты гауһар, үсті шатыр.
Қазандай қара тастың дәл түбінде,
Бір түрлі адам таппас зәһәр жатыр.
Малдың өті

Бір шал бар ауылымызда барпылдаған,
Басында екі найза жарқылдаған.
Іш майын құмырадан аңқытып ап,
Кімді көрсе, артынан жалпылдаған.
Өзі кәрі болғанменен сылқым сері,
Ақ сокна белбеуі салпылдаған.
Теке

Төрт аяқ ортасында бүгілі бар,
Сөйлейтін өз алдында пиғылы бар.
Халінше сайманы ғой керек заты,
Көтерген екі дана құрығы бар.
Беретін жақынына жаны ашып,
Ашытқан бір аяқтай қымызы бар.
Ешкі, төрт аяғы, екі мүйізі, сүті

Ерте кетіп, кеш келе,
Тері тонды жануар.
Моншақ төгіп кетеді,
Жылтыраған суы бар.
Қойдың құмалағы

Ауылдан ерте тұрып, кетер сыртқа,
Көп жанға жалғыз нәрсе болды тұтқа,
Сол жерден аз жұмысын бітіріп ап,
Қайтады қуанышпен бір уақытта.
Жайылған қой, қозы

Баурындағы бұлағын ел ішеді.
Шабылады жотасынан пішені.
Саулық қой

Екен, екен, екен жұмбақ,
Екі етегін түрген жұмбақ.
Қазалыға барған жұмбақ,
Қақтың суын ішкен жұмбақ.
Қой

Түйір-түйір төртеу,
Түймеменен бесеу.
Жалғыз тайы жалғыз,
Темір қазық екеу.
Сиырдың төрт емшегі, кіндігі, құйрығы, екі мүйізі

Тырс-тырс тамады,
Бір шұңқырға ағады.
Сиырдың желіні

Қисық ағашқа қар жұқпас.
Сиырдың мүйізі

Екі ошаққа бір көсеу.
Сиырдың танауы мен тілі

Дауысы - азанда,
Жақсылығы - қазанда.
Бұзаулы сиырдың мөңірегені

Тоғай-тоғай топтаған,
Тоғай ішін боқтаған.
Біреуі өлсе,
Бәрі жиылып жоқтаған.
Сиыр

Жамаулары болса да білінбейді,
Жансызға ондай нәрсе ілінбейді.
Ала мал

Үлгісіз піштім,
Жіпсіз тіктім.
Ала мал

Андыру мен мәндіру,
Тігісі жоқ қондыру.
Ала мал

Керіп қойған немене,
Көкектеген немене?
Малып қойған немене,
Бал татыған немене?
Желідегі құлын, піспек, сабадағы қымыз

Тау астында төрт бала,
Кезек-кезек ойнаған.
Төрт баланың қолына
Төрт айды әкеп байлаған.
Аттың төрт аяғы, төрт тұяғы

Алдымда бар нар қамыс,
Артымда бар нар қамыс.
Отырған жерім ой темір,
Басқан жерім бай темір,
Он қолымда-тең қайыс.
Ат, үзеңгі, қамшы, атқа мініп отырған адам

Алты аяқты,
Екі қарынды,
Екі басты,
Екі қолды,
Төрт көз, төрт құлақты,
Екі мойын, бір құйрықты.
Ат мінген адам

Шиге қамшы байладым.
Белбеуге байланған ат

Шауып келе жатып шақшам түсті.
Аттың тезегі

Жездем желіп бара жатыр,
Жез қалпағын түсіріп барады.
Аттың тезегі

Алыстан қарасам бір қара,
Қасына келсем мың қара.
Жылқының құйрығы

Тауға таяқ қыстырдым.
Түйенің мұрындығы

Жануар бар жапан дала түзде өскен,
Арқасына екі бала мінгескен.
Қос өркешті түйе

Ермекбайдың екі ұлы ерегесіп келеді,
Төлебайдың төрт ұлы төбелесіп келеді,
Жағалбайдың жалғызы жағаласып келеді.
Түйенің екі өркеші, құйрығы,аяғы

Тасқа тисе кетілмейді,
Суға тисе ерімейді.
Аттың тұяғы

Бір тауығым бар,
Жұмыртқасы көп,
Көп те болса жарылмайды.
Түйенің құмалағы

Екі кісі қарауыл қарайды,
Бір кісі шөпшек тереді.
Түйенің өркеші, ерні

Екі ауылдың баласы еңбектеп келеді,
Төрт ауылдың баласы төбелесіп келеді,
Бір ауылдың баласы шөпшек теріп келеді.
Жайылымнан қайтқан түйенің өркеші, аяғы, ауызы

Ұзын-ұзын ұлпаны,
Ішіндегі жұлпаны.
Түйе, бота

Қарап көріңіз 👇

kz | Жұмбақтар жауабымен

Автор: nurgul95

Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру