Жұмбақтар жауабымен: Жануарлар (кит, жылан, маса, тышқан, балық, мысық, қасқыр, қоян, түлкі, піл, сиыр)

11.10.2013

Көзі бар, қанаты бар балық дене,
Сияқты зор тұлғалы алып кеме.
Кит

Бір мақұлық бар екен төрт аяқты,
Тағыпты арқасына мың таяқты.
Ашуланса, аяқ-қолын көрсетпейді,
Көресің көзің салсаң ғажайыпты.
Кірпі

Дене мен аяқ-қол жоқ, құйрық пен бас,
Бұрыннан жан-жәндікке ойлаған қас.
Бес-алты ай демалыста күн көреді,
Оншалық керек етіп жемейді ас.
Жылан

Бiреуге найза түйрейдi,
Содан-ақ өзi күйрейдi.
Маса, сона

Буда, буда, буда жүн,
Будаланған шуда жүн.
Сыдырып қойған сұр таспа,
Қоңыр шолақ құнажын.
Тышқан

Жел-жел бием, жел бием,
Желiндесе кiм бiлер?
Жау жапырақ түбiнде
Құлындаса кiм бiлер.
Балық

Сап-сары болған түрі бар,
Шақылдаған үні бар,
Жер астында тынығар.
Саршұнақ

Көзін жұмады,
Көзін ашады.
Сыбысын білдірмей,
Ақырын басады.
Мысық

Төрт аяқты шалғы
Орып кетер малды.
Қасқыр

Келеді бір перизат итке мінген,
Таяғын итке мініп итпелеген,
Артында ағараңдар ешкісі бар,
Ешкісін итке мініп жетелеген.
Қоян

Бұлаңдаған құйрығы –
Бір алдарлық қулығы.
Түлкі

Қорықпайды күшті аңнан,
Қорқады тек тышқаннан.
Піл

Топырақ желді мініп, желді айдайды,
Болғанда түске жақын көлге айдайды.
Тамшыны жерден тамған керек қылып,
Топырақ өз-өзінен айқайлайды.
Жер – жылқы, тамшы – қымыз

Басында таяғы бар,
Төрт аяғы бар.
Сегіз тұяғы бар,
Иегінде сақалы бар.
Серке

Жамауы бар тігінсіз.
Киімі қалың жамылар.
Жыртығы жоқ, еш мінсіз,
Ала-құла тоны бар.
Ала мал

Даусы азанда,
Жақсылығы қазанда.
Бұзаулы сиырдың мөңірегені

Бiр тұтам, екi тұтам
Басы айыр жүндi тұтам.
Сирақ, бақайшақ

Жездекем бастап барады,
Жез түймесiн тастап барады.
Жылқының тезектері

Айтарын айт дегенде, ая батыр,
Болғанда асты гауһар, үсті шатыр.
Қазандай қара тастың дәл түбінде,
Бір түрлі адам таппас зәһар жатыр.
Малдың өті

Ұзын сабалақ есiк ашты,
Қара домалақ тұра қашты.
Түйенің құмалағы

Жандылардың ірісі,
Тек мұхитта тынысы.
Кит

Тұла бойы – ине,
Тұмсығында – түйме.
Кірпі

Кешке қарай хор айтады,
Дауыстарын зорайтады.
Бақалар

Сөйлейтұғын тілі жоқ,
Естілетін үні жоқ.
Жандылардың iшінде
Жаралыпты ipi боп.
Кит

Үйіңді қорғайды,
Үйге бipaқ, қонбайды.
Ит

Алдында штепсель,
Артында бауы.
Шошқа

Мың найзалы жалғыз батыр
Жауларына алғызбай тұр.
Кірпі

Жел-боранда жел болып ескен,
Шекесіне сексеуіл өскен.
Бұғы

Құрық та салдырмай бұлқынар
Матрос майкалы жылқылар.
Зебра

Тышқаннан басқа батпаған,
Бір шланг, төрт баған.
Піл

Терісі бар, жүні жоқ,
Жүрісі бар, ізі жоқ.
Қанаты бар ұшпайды,
Су астында қыстайды.
Балық

Айбарлы түрлі бар,
Қанжардай тісі бар,
Тұма бойында
Тасыған күші бар
Күжірейген жалды.
Білсең айт бұл аңды.
Арыстан

Тарғыл–тарғыл тас па,
Тастан бірақ басқа
Мекені қамыста,
Бұл саған таныс па?
Жолбарыс

Бейқам елді іздейді,
Малдан күдер үзбейді.
Қасқыр

Қалқиып қос құлағы,
Елеңдеп қорқып тұрады.
Қоян

Көздері бар, қабағы жоқ,
Әсте кірпік қақпайды
Ол қай жәндік суға салсақ
Тұншықпайды, батпайды.
Балық

Алқызыл жоны түрленген,
Құйрығы шар үрленген.
Далада жортып жалтақтап,
Қулықпен күн көрген.
Түлкі

Бақалшағы жоқ сыртында,
Үккісі бар ұртында.
Қорегін ұстар таяғы,
Арқанға ұқсас аяғы.
Сегізаяқ

Бір-ақ уыс көлемім
Шыбын-шіркей қорегім
Бау-бақшаны қорғаймын
Ал атым ше?
Торғаймын

Құйрығы он қарыс
Бұл айбатты ...
Жолбарыс

Құлағы жоқ, көзі бар.
Түсі суық ызғарлы,
Аузында айыр бізі бар.
Жылан

Жүнім желкілдеген,
Құйрығым үлрілдеген.
Сияқтымын жалын,
Жаңғақ құмар жаным.
Тиін

Тез өседі,
Көп жейді:
Сәбіз жейді,
Шөп жейді.
Құлақтары қалақтай,
Зытып берер жолатпай.
Қоян

Қара жолақ сары шекпен,
Елдің бәрі зардап шеккен.
Жолбарыс

Толық жасқа толғанда
Бұзауқаның кім болмақ?
Тайыншақ

Түсім менің күлгін,
Жетпес маған сүлгің.
Жемеймін мен етіңді,
Ал өсімдік өтімді.
Піл

Адамдарға қажетсің,
Құйғытқанға не жетсін?!
Жарыс бізге ұнайды,
Бәйге сізді сынайды.
Жылқы

Болғанменен көп инесі,
Іс тікпейді оның иесі.
Кірпі

Орғыған қорқақ көзі еді
Қыс пен жазда түрлі тон киеді.
Қоян

Шаңқ-шұңқ еткен үні жоқ,
Сусыз оның күні жоқ
Жүріп кетсе соңында,
Қалып жатқан ізі жоқ.
Бұл не?
Балық

Қарап көріңіз 👇

kz | Жұмбақтар жауабымен

Автор: nurgul95

Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру