Квадрат түбірдің мәнін есептеу және бағалау 2-сабақ (А-бөлімі) (Алгебра, 8 сынып, I тоқсан)

Пән: Алгебра
Ұзақ мерзімді жоспар бөлімі: Квадрат түбірлер және иррационал өрнектер
Сабақ тақырыбы: Квадрат түбірдің мәнін есептеу және бағалау 2-сабақ (А-бөлімі)
Осы сабақта қол жеткізілетін оқу мақсаттары (оқу бағдарламасына сілтеме): 8.1.2.2 квадрат түбірдің мәнін бағалау
Сабақ мақсаттары: Оқушылар:
- квадрат түбірдің мәнін калькулятор көмегімен есептей алады;
- квадрат түбірдің мәнін бағалай алады;
- квадрат түбірдің мәндерін салыстырады.

1. Ұйымдастыру кезеңі: Оқушылармен сәлемдесу, түгелдеп, сынып тазалығы мен қажетті құрал-жабдықтарының дайындығын тексеру.
2. Үй тапсырмасын тексеру: Үйге берілген тапсырманы тексеру, оқушылар есебіндегі байқалған кемшіліктерді жою, оның пайда болу себептерін анықтау.

3. Жеке жұмыс
Оқушыларға өткен сабақ бойынша білімдері тексеріледі. Тапсырмаларды оқушылар жеке орындайды. Мұғалім тарапынан тексеру жүргізіледі. Осы жұмыстың нәтижелері сабақтағы алдағы жұмысқа ықпалын тигізеді. Оқушылардың жауаптарының негізінде бүкіл сыныпқа кері байланыс беріліп, тақырып бойынша білімдерін бекіту жұмыстары жалғасады.
Бағалау критерийлері:
- Иррационал санның қандай натурал сандардың арасында жататынын анықтайды;
- Түбірді калькулятор көмегімен есептеп, берілген бірлікке дейін дөңгелектейді;
- Иррационал санды координата осіне белгілейді;
- Қос теңсіздіктің дұрыстығын тексереді.

4. Топтық жұмыс
Бұл сабақ бекіту сабағы болғанымен, бұл сабақта иррационал сандарды салыстырудың әдістеріне көбірек назар аударылады. Сол себепті оқушыларды кіші топтарға біріктіріп, оларды алдына әртүрлі иррациоанал сандарды салыстыру беріледі. Олар әртүрлі әдістер қолданулары мүмкін, тек калькулятор мұндай тапсырмаларда қолданылмайды. Оқушылар өздерінің салыстыру әдістерімен бөліскеннен кейін мұғалім олардың жауаптарын жинақтап, бірнеше әдістерді көрсетеді.
Бағалау критерийлері:
- Сандарды екі жағын дұрыс квадраттайды;
- Сандарды дұрыс салыстырады.

5. Жұптық жұмыс
Оқушылар жұпта берілген тапсырманы орындайды. Бұл тапсырмада мұғалім оқушылардың жауаптарын бағалайды. Бұл тапсырма оқушылардың осы мақсат бойынша негізгі білімдерін тексереді.
Бағалау критерийі №1 тапсырмаға:
- Санның қандай натурал сандардың арасында жататынын анықтайды;
- Берілген саннан кіші ең үлкен бүтын санды анықтайды.

Бағалау критерийі №2 тапсырмаға:
- Санның қандай натурал сандардың арасында жататынын анықтайды;
- Берілген саннан үлкен ең кіші бүтын санды анықтайды.

Бағалау критерийі №3 тапсырмаға:
- Сандарды салыстыруға дұрыс әдісті таңдайды;
- Санның екі жағын да квадраттайды;
- Сандарды дұрыс салыстырады....