Роза Мұқанова «Мәңгілік бала бейне» әңгімесі 4-сабақ (8 сынып, IV тоқсан )

Пән: Қазақ әдебиеті
Бөлім атауы: Қиял мен шындық
Сабақтың тақырыбы: Роза Мұқанова «Мәңгілік бала бейне» әңгімесі 4-сабақ
Осы сабақ арқылы жүзеге асатын оқу мақсаттары: Т/Ж4.Шығарма үзінділерімен жұмыс
Сабақ мақсаты: Т/Ж4. Көркем шығармалардан алған үзінділерді өз көзқарасын дәлелдеу үшін орынды қолдану.
Сабақ барысы:
Оқушылардың қызығушылығын ояту
Оқу мақсатымен таныстыру. Сабақтың тақырыбымен байланыстыру
1-тапсырма Оқушылар «Мәңгілік бала бейне» монологын тыңдайды. Монологтың ерекше әсерлі тұсын жазып алып, кестені толтырады.
Монологтан үзінді
Монологтан туған о
Менің қорытындым
2-тапсырма «Төрт сөйлем» тәсілі
1. Пікір. Тыңдаған мәтіндегі кейіпкер бейнесін бір сөйлеммен суреттейді.
2. Дәлел. Мәтіннен үзінді келтіре отырып өз пікірін бір сөйлеммен дәлелдейді.
3. Мысал. Пікірін өмірмен байланыстырып, мысал келтіреді. 4. Қорытынды. Тақырып бойынша қорытынды шығарып,кейіпкер монологын мәнерлеп жатқа оқиды.
3-тапсырма «Тренер – ойыншы» әдісі
Оқушылардың әрқайсысы шығармаға қатысты 5 сұрақ жазу керек. Сұрақтар сұрау есімдігінен басталуы тиіс:
Не, кім, қашан, қайда, неге, қалай, Егер ... болса, не болады?
Тренер: шығарма үзіндісін дайындайды, артында жазылған сұрақтар болады. Бірінші сұрақ қояды. 2 - оқушы толық жауап бере алмаған жағдайда көмек береді.
Ойыншы : сұраққа жауап береді. Егер сұрақтың жауабын білмесе тренерден көмек сұрайды.
4-тапсырма «Сөйлемді толықтыру» әдісі
Оқушылар топқа бөлінеді. Әр топқа шығарма үзінділері таратылады. Әр топтан бір спикер шығып, үзінді бойынша өз ойын айта бастайды. Топ спикері ойын аяқтағанда екінші топтың спикері оған қарсы сұрақтар қояды. Топ мүшелері рөлмен ауыса алады. Сұрақтар төмендегідей үлгіде болады.
• Неге....
• Мұны қайдан білесіз....
• … үшін сізде қандай дәлел бар.
• Сіз неге олай ойлайсыз…
• Сіз келісесіз бе…
• Түсіндіре аласыз ба…
• … үшін не істеу керек?.....