Еліміздің басым бөлігінде күн күркіреп, жаңбыр жауады

Бүгін еліміздің басым бөлігінен атмосфералық ауа ағымының өтуіне байланысты кей жерлерде күн күркіреп, жаңбыр жауады, тіпті, бұршақ жаууы мүмкін.

Жел күшейе түседі. Тек батыс өңірлерде ғана күн ашық болады, деп хабарлайды Қазгидромет.

Атап айтқанда, Ақмола, Жамбыл, Қызылорда, Шығыс Қазақстан облыстарында, күндіз Алматы облысында желдің екпіні 15-20 м/с дейін жетеді. Павлодар облысында ол 18 м/с болады.

Қостанай облысында түнде кей аймақтарында тұман түседі, күндіз жел 18-20 м/с дейін күшейеді. Солтүстік Қазақстан облысында 15-20 м/с жел соғып, түнде және таңертең күн тұманды болады.

Түнде Қостанай, Солтүстік Қазақстан облыстарында 0-3 градусқа дейін суытады.

Атырау облысында күндіз күн қатты ысиды. Батыс, солтүстік-батыс, оңтүстік, оңтүстік-шығыс өңірлерде және республиканың орталық бөліктерінде жоғары өрт қаупі сақталады.