file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

Қазақстанда мемлекет есебінен үй алатындардың тізімі өзгерді

Қазақстанда мемлекет есебінен үй алатындардың тізімі өзгерді

Қазақстан елордасында баспанаға зәру адамдар есебіне тіркеу үшін талап етілетін тіркелу мерзімін үш жылдан бес жылға дейін ұзартуды, ал”толық емес отбасы” ұғымына тек жесірлер мен әйелі қайтыс болған ер азаматтарды ғана жатқызу ұсынылуда.

“Кезектің ұзаруын тежеуге бағытталған қосымша шектеу шараларын енгізу үшін басқарма тұрғын үй заңнамасына түзетулер енгізуді ұсынады, деп хабарлайды Elorda.info.

Ұсыныстар баспанаға зәру адамдар есебіне тіркеу үшін талап етілетін елордада тұрақты тұру мерзімін үш жылдан бес жылға дейін ұзартуды, әлеуметтік тұрғыдан осал топ категориясына қолданылатын кірісті шектеу талаптарын өзгертуді, ал кезекке тұруға құқық беретін мәртебеге ие болу жолында жасалатын жалған ажырасуларды болдырмау үшін”толық емес отбасы” ұғымын нақтылауды қарастырады. Аталған категорияға жесір әйел мен әйелі қайтыс болған ер азаматтарды ғана жатқызу қажет”, — деді қалалық тұрғын үй басқармасының басшысы Руслан Ахметов.

Ахметовтың айтуынша, әкімдік баспана алу кезегінде тұрған азаматтардың тізіміне инвентаризация жүргізіп жатыр. 2016 жылы елордада кезекте тұрғандарға 93 пәтер берілді. Биылғы жылдың сәуір айында тұрғын үй комиссиясының отырысына 260 пәтер ұсынылды. Олар төрт соғыс ардагеріне, 49 жетім балаға, әлеуметтік осал топ категориясына жататын 137 отбасына берілді.

Бұған дейін хабарланғандай, таяуда елорда басшылығы Қазақстанға кірерде баспана алуға ақшалай өтемақы алған репатрианттарды мемлекеттік қор баспанасы кезегінен алып тастауды ұсынған болатын. Сондай-ақ, баспана кезегінен әскери қызметшілерді алып тастау мәселесі де тұр. Олар бөлек тізімге тұрғызылады және несиелеудің жеңілдік шарттары ойластырылады. Осылайша, басқарма мамандары кезекте тұрғандар санын екі есе азайтпақ. Бүгінгі күні 45 516 адам коммуналды тұрғын үй қоры баспанасына зәру.

Қарап көріңіз 👇


Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру
Пікір жазу
Пікірлер 2
  1. Misha
    Misha 26.03.2018 09:29
    0 + 0 -
    Бул Алматыга каытысы барма? Елорда Астанага арналганба алде?
  2. Асель
    Асель 25.03.2018 21:40
    0 + 0 -
    Как будто бесплатно беретиндей. Ала бересин, уйи жоктар.