Қол туралы ✍️

Ілмек бойынша іздеу:

Қимылда қос шебер,
Талай-талай іс бітер.

жауабы
Екі қол

Екі достың бірі ыңғайлы,
Біреуінен ебі жоқ.
Екеуін де бірдей көрем,
Маған артық-кемі жоқ.

жауабы
Екі қол

Бір таудың басында бар бір топ тоғай,
Ойлаған ақыл-ойға жұмбақ оңай.
Сол таудың етегінде бір сарай бар,
Жүк әкеп түсіреді он бай ноғай.

жауабы..

Аяқ — арғымақ.
Қол — азамат.
Көз — жанат.
Сөз — қанат.

Оң қолым, сол қолым,
Екеуі де өз қолым.

Бір патша, екі уәзір бек байланды,
Әрқашан он батырды жауға алдайды.
Құдыққа жіпсіз салып бір адамды,
Бесеуі шығаруға ондайланды.

Бес кісі тәуекел деп түсті жолға,
Сенгені бесеуінің жалғыз жорға.
Басқаны сол жорғаның бітті болды,
Кетеді қамшыласа оң мен солға.

Бір мақұлық жұмыста сорлайды,
Мисыз деп оны жұрт ойлайды.
Саумайды, соғымға соймайды,
Бірақ та мінуін қоймайды.

Қол — таразы,
Көңіл — қазы.

Қимылдаса қос шебер,
Қыруар-қыруар іс өнер.

Бас жарылса, бөрік ішінде,
Қол сынса, жең ішінде.

Алдына ас қойдым, екі қолын бос қойдым.

Егіз қайың,
Бой-бастары тең өскен.
Іске дайын,
Бұтақтары бес-бестен.

Қимылдаса қос шебер,
Қыруар-қыруар іс өнер.