Көңіл туралы ✍️

Ілмек бойынша іздеу:

Көбікті қарда түлкі ойнар,
Көңілді көзде күлкі ойнар.

Көңілдегі құпияңды —
Көзің айтып қояды,
Көп сөйлеген күпілдеп —
Сөзің айтып қояды.

Тіл — көңілдің кілті.

Көз — нұрдың ұясы,
Көңіл — сырдың ұясы,
Сезім — жырдың ұясы.

Киім кірі жуса кетеді,
Көңіл кірі айтса кетеді.

Мір тәуекел бұзады,
Мың қайғының қаласын;
Бір жылы сөз бітірер
Мың көңілдің жарасын.

Жақсы жұмыстан
Жан рахат алады.
Жаман жұмыстан,
Көңіл қалады.

Жақсының өңі қартайса да,
Көңілі қартаймайды.

Қол — таразы,
Көңіл — қазы.

Бұқаның өзі қартайса да, мұрны қартаймайды.
Жақсының өзі қартайса да, көңілі қартаймайды.

Көңіл кең болса, үйдің тарлығы білінбес.