meta charset="utf-8"> Қазақша портал

Тіл туралы  ✍️


Басқа: 6
Мақал-мәтелдер жинағы: 363
Жұмбақтар жинағы: 24
Балаларға арналған тақпақтар: 26
Ақын өлеңдері жинағы: 249
Жаңылтпаштар жинағы: 3
Қанатты сөздер жинағы: 208
Құттықтаулар, тілектер жинағы: 5
Туындылар: 4
Әңгімелер жинағы: 30
Ертегілер жинағы: 3
Поэмалар: 1
Шығармалар жинағы: 15
Анекдоттар, әзілдер жинағы: 1
Эсселер жинағы: 12

Ақын өлең айтпайды, жантайған соң,
Адам келмес үйіңе мал тайған соң.
Біреу қасып айтады,
Біреу басып айтады,
Біреу жаны ашып айтады.
Көргенінен көз ақы алады,
Сөйлегенінен сөз ақы алады.
Әділ сөздің зілі жоқ,
Көп көзінен өткен істің міні жоқ.
Әзіл айтсаң да,
Әділ айт.
Көңілдегі құпияңды —
Көзің айтып қояды,
Көп сөйлеген күпілдеп —
Сөзің айтып қояды.
Дуасыз ауызға,
Судыраған сөз бітер.
Жылан мінез жауызға
Жеп қойғандай көз бітер.
Кедейге өлең айтқан да — шығын.
Шешеннің сөзі — ортақ
Шебердің бөзі — ортақ.
Ақынның хаты өлмейді,
Батырдың аты өлмейді.
Сөзі ырайлының —
Жүзі шырайлы.
Аузын бағып айтқанның — аузы күймес,
Отын бағып жаққанның жеңі күймес.
Атаңның сақалына қарама,
Айтқан мақалына қара.
Аңғал сөйлеп, аспа,
Ойланып ал, саспа.
Ұзын шапан аяғыңа оралады,
Ұзын тіл мойныңа оралады.
Бір сом беріп жырлатып,
Мың сом беріп қойғыза алмапты.
Тілі бардың
Тіріде ақысы кетпейді.
Орақты ора білмесең,
Қолыңды кесерсің
Сөзіңді сөйлей білмесең,
Жолыңды кесерсің.
Жатып сөйлеген
Жігітке жараспайды.
Сөйлей білмеген кісіден,
Үре білген ит артық.
Жол жайын білмесең,
Жүргеннен сұра.
Сөз жайын білмесең,
Білгеннен сұра.
Тамақты асығып ішпе
Түйілерсің.
Сөзді асығыс сөйлеме,
Күйінерсің.
Тіл алмасқа сөз айтсаң,
Адам таппас жауап айтар.
Жорытсаң, жол аларсың,
Жолықсаң — сөз аларсың.
Қолың ұста болсын,
Сөзің қысқа болсын!