Ақын өлеңдері жинағы ✍️

Шүкір, Алла!
Адам қып, жарық бердің,
Аңнан артық санам бар – бәйтерегім.
Ақылыммен алысқа барып көрдім,
Айуан болып аш жүрсем қайтер едім?!
Шүкір, Алла!
Тіл бердің тасты үгіткен,
Хабарым бар Хақ сөзі – кәлимадан.
Өмірімді сүрмеймін аптығып мен,
Көп ішінен міскінді тани алам.
Шүкір, Алла!
Ес бердің, арнадың нәр,
Содан бері келемін сайрауменен.
Ар алдында ант берген арманым бар,
Ақ жолынан Алланың таймау деген.