Ақын өлеңдері жинағы ✍️

Қазақ тілім – көңілімнің шыңысың,
Жүрегімнің қайталанбас үнісің.
Қасиетің қуат берген бойыма,
Сен – асқақсың!
Сен – ғажапсың!
Ұлысың!

Қаяу салса жүректерге өткен күн,
Сен арқылы көңілге гүл еккенмін.
Сен арқылы бағындырып асуды,
Асқаралы арманыма жеткенмін.

Сенде жатыр намыс, арым, ұятым,
Сенсің жүрек жырларымды жиятын.
Тағдырыңа алаңдаған бір ұлмын,
Өзің үшін өмірін де қиятын.