Ақын өлеңдері жинағы ✍️

Іздедім мен сені,
Бұл сезім тылсым ба?
Шынарым еңселі,
Айналдың бір шыңға!

Көркіңе тамсанам,
Өртіңе жанамын.
Арманым аңсаған,
Қайда бір хабарың!?

Бұлақтай мөлдірім,
Сағындым күлкіңді.
Жанарға толды мұң,
Жүрегім бұлқынды.

Үмітті жалғаған,
Қайда сол сәттерім.
Шырқаған арман ән,
Сен маған жат па едің?

Көңілім көнбеді,
Ұйқысыз көз ілмей.
Сен жүрсің мендегі,
Бір сырды сезінбей.