11.10.2023
  969


Автор: Гүлмекен Қасенбай

Қартаймасын ұстаздар. (әзіл өлең)

 ​ ​ "Апай" - дейді барлығы,
​ ​ ​ ​ ​ Біздің сұлу ұстазды.
​ ​ ​ ​ ​ "Апа" - деген әже ғой,
​ ​ ​ ​ ​ Тістері жоқ, ақ шашты!

​ ​ ​ ​ ​ ​ Ал мен үшін ұстаздар,
​ ​ ​ ​ ​ ​ Ең бір сұлу әпкелер.
​ ​ ​ ​ ​ ​ ​Өскеннен соң, жұмыстан -
​ ​ ​ ​ ​ ​​ Ұстазымды ап кетем!

​ ​ ​ ​ ​ ​ ​ ​Мінгізіп-ап, көлікке,
​ ​ ​ ​ ​ ​ ​ Аралатам қаланы.
​ ​ ​ ​ ​ ​ ​ ​Айтып көрсін содан соң,
​ ​ ​ ​ ​ ​ ​ ​Мені "жаман бала" - деп!

Атракционда ойнатып,
Қыдыртамын паркте.
Тәтті мақта әперем,
Мінгізіп ап көлікке.

​ ​ ​ ​ ​ ​ ​ ​Гүл шоқтарын сыйлаймын,
​ ​ ​ ​ ​ ​ ​ ​Балмұздақ та әперем.
​ ​ ​ ​ ​ ​ ​ ​Қартаймаса екен тек,
​ ​ ​ ​ ​ ​ ​ ​Сұлу ұстаз әпкелер!

​ ​ ​ ​ ​ ​ ​ ​ ​ ​ Гүлмекен Қасенбай
​ ​ ​ ​ ​ ​ ​ ​ ​ ​ ​ 24.09.2021


 





Пікір жазу