10.07.2023
67
Сен мұңайсаң – бұл өмірдің бәрі мұң...
Сен мұңайсаң – бұл өмірдің бәрі мұң,
Сен налысаң – мен де бірге налыдым.
Қосқаны анық екеумізді махаббат,
Босқа налып жыламашы, жарығым!
Бұл өмірдің ащысын біз көп татып,
Ала жаздап қалдық талай тоқтатып...
Сені сүйем мен өмірді сүйгендей,
Сүйсең болды – одан артық жоқ бақыт!
Өмір шіркін бір орнында тұра ма,
Баламыздың бірі – әке, бірі – ана...
Алғашыңа,
Жалғасыңа қара сен,
Сол өмірің!
Өзге ғұмыр сұрама!
Сұрағанмен өмір ғұмыр бере ме,
Жылағанмен өмір бізді ұға ма?..