Ақын өлеңдері жинағы ✍️

Ғажабымсың сен менің ғажабымсың,
Менің мәңгі сарқылмас азабымсың.
Жәми, Сағди, Низами жазбай кеткен,
Қайталанбас ғажайып ғазалымсың.
Сені берген ризамын Тәңіріме,
Гүл боп кірдің Ақ таңдай өміріме.
Менен басқа ешкім де көз салмасын
Ен даланың еркелеу елігіне.
Елігім-ау, сыйладым бәрін саған,
Керек десең, Абайдың әнін салам.
Көк сағымның ішінен тауып алар
Егер шындап бір-бірін сағынса адам.