Ақын өлеңдері жинағы ✍️

(әні бар)

Ақша бұлттан әрі асқан,
Ай жұлдызбен таласқан,
Тарбағатай – құт мекен
Ынтымағы жарасқан.
Көңілдері тұп-тұнық
Елге бітсе мықтылық.
Жатыр далам ғаламға
Тектілікті ұқтырып.
Пейілдері – ақ шуақ,
Суаттары – нақ шұбат,
Жарқырай бер, қазақтың
Иісі аңқыған Ақсуат.
Жадыратқан тірлікті
Базар, Боғас, Кіндікті,
Қарғыбаның бойынан
Түлейді екен кіл мықты.
Сыр жасырған әр тасы –
Бөртостаған жартасы –
Ғаламда жоқ даламның
Тәңір таққан алқасы.
Береке мен бақ, қуат
Дарыған жер Ақсуат.
Сенде өткізген бір күнім
Мың күнімнен жақсырақ.
Қыз жаралса намыстан,
Ұлы – кілең арыстан,
Қазақтығын сақтаған
Біздің дала данышпан.

Жат көңілін жықпаған,
Жарастықты құптаған,
Амандасқан қонағы
Ауыз түймей шықпаған.