Ақын өлеңдері жинағы ✍️

Үш жұрт түгілі үш жүздің де ендігі
Салмақ болса кедейлігі, кемдігі,
Көтере алсаң ол да сенің үлесің
Артсын десең намысты елдң елдігі.
Туыс етсе аталастың барлығын,
Кедергі деп көпсінгенің – тарлығың.
Намысыңмен жүрегіңе құндақта
Туыстырған тәңірдің бұл жарлығын.
Руың – бабаң,
тайпа – тарих белгісі,
Болмас жүзге бөлудің де енді ісі.
Қандай жолмен тұтасса да көнесің
Қазақ деген ұлт шыққасын – бергісі.
Тарих десек – қасіретті толғайды,
Сабырыңды намыс жықса – сол қайғы.
Жыға алмаса сен көндіккен тұтастық
Ұрпағыңды қиянаттан қорғайды.