Ақын өлеңдері жинағы ✍️

Қысқалығын бойыңның
Көремiсiң бiреуден?
Қисықтығын ойыңның
Түзеймiсiң тiреумен?
Алатауға Қаратау
Түсiрмейдi көлеңке.
Болғың келсе бақша-бау,
Жер өртеме, өн ерте.
Қазағымның жерiне
Аллам ақ нұр құяды.
Бiр тау емес, тегiнде,
Мың тау оған сыяды.
Бiр-бiрiне бұл таулар
Түсiрмейдi көлеңке.
Өз елiңнiң ерi бол,
Содан кейiн бол ерке.
«Менен неге биiк?» деп,
Өзге таудан шошыма.
Өзiңдi елге сүйiктi ет,
Шын биiктiк осы да.