Ақын өлеңдері жинағы ✍️

Тас қабақ Əлем мына
Түнередi.
Жəутеңкөз жанарыма
Күн ередi.
Түнерген суық жарға
не iстей алам?
Күн ерген қабақтардан
Жылу табам.
Қарсы отыр Ақ пен Қара –
Бiр күймеде.
Түнек пен Күншуақ бар –
Бұл дүниеде.
Екеуi аңдысқалы
Қанша заман.
Бұл əлем тайталассыз
Қалса жаман.
Жiбiтiп жердiң тоңын
Тұр шыбық-тал.
Түнектi Шуақ жеңсе –
Тiршiлiк бар.
Сыйлайды Əлем-анам
Нұрын маған.
Сол нұрмен жазылсайшы
Менiң жарам.