Ақын өлеңдері жинағы ✍️

Халқымның бiр асылы – өнер деген,
Тозбаған, тотықпаған, көнермеген.
Өмiрiн өрнектеген елiм менiң,
Əсем əн, тəттi күймен, өлеңменен.
Ежелден халқым егiз өнерменен,
Өнермен өрге жүзiп, ел өрлеген.
Тойында өнерлiге төр ұсынып,
Дүлдүлдер дүбiрiне елеңдеген.
Аққуға аспандағы əнiн қосқан,
Айналып кетпеймiсiң қарындастан.
Қазағым өнерiмен отау тiгiп,
Дарынды ұл-қызының бағын ашқан.