Ақын өлеңдері жинағы ✍️

Ерке бір қыз етек-жеңі желпілдеп,
Бара жатыр бұрымдары селкілдеп.
Айнымаған Айнұр ғой бұл баяғы,
Мен бірақ та айта алмадым «сенсің» деп.
Қасыңа да бара алмадым желкілдеп,
Ауылда жүр кекіл шашы желпілдеп,
Анау жылғы альбомдағы сол сурет.
Сылқым басып маңайына бұрылмай,
Екі алмасы енді атылар тығындай.
Күмбірлетіп бара жатыр кеудемді,
Үйірдегі қоңыраулы құлындай.
Көшеде жүр көне сурет желкілдеп,
Көркімді осы көре алғандар көрсін деп.
Көрдім-дағы кете бардым бұрылып,
Көкірегім тостағандай мөлтілдеп.