Ақын өлеңдері жинағы ✍️

Тас бүршіктей тарс айырылып ашылған,
Жас бүршіктей қарс айырылып ашылған.
Бір сүйіс бар сүйектерім шашылған,
Сол сүйісті аңсап өттім жасымнан.
О, Құдайым ала берші, ала гөр,
Сол сүйісті өткер де бір басымнан.
Өз анасын сүйген сәби секілді,
Бір сүйіс бар, балбыратар етімді.
Бір сүйіс бар, бір сүйіс бар,
Елжіретер мәңгі біздей жетімді.
Өле-өлгенше тірі жанмен өбіспей,
Сол сүйісім енді жетер секілді.
Сол сүйісім алыстатып қарттықты,
Мәңгі бақи мөлдіретер секілді.
Сол сүйісім енді жетер секілді.