Ақын өлеңдері жинағы ✍️

Ешкімді өсекке қоспаған,
Ешкімнен жамандық тоспаған.
Қажетін тауып ап оқитын,
Газетін әкеліп почтадан.
Өзендер теріске ақса да,
Аяғын теріс бір баспаған.
Аштықта абыржып, саспаған,
Тоқтықта толықсып, таспаған.
Көшеде аяңдап барады,
Сыйлаған бар ауыл жақсы адам.
Өзгеше түгі жоқ басқадан,
Сәл ғана қартая бастаған.
Ағын су бұрып ап тоспадан,
Алма ағаш, өрігін баптаған.
Байсалды, байыпты, қадірлі,
Ауылда жүреді жақсы ағам.
Ол жәйлі айтса егер басқа жан,
Дейді ылғи: – Жақсы адам, жақсы адам!
Ақырын маңдайың ағарып,
Адам боп өлу де даналық
Айырма, белгің жоқ басқадан...