Ақын өлеңдері жинағы ✍️

Жақсылар «жақсымын», – деп айта алмайды,
Жамандар «жақсымын», – деп айқайлайды.
Жүрген соң күнде-күнде көзің көріп,
Таулардың биіктігі байқалмайды.
***
Бір жақсы бір жаманға себеп боп жүр,
Дегенім тұқым бидай кебек боп жүр.
Өз сөзімді өткізу үшін елге,
Біреудің сөзін сөйлеу керек боп жүр.
***
Осынау қамшы сабы аз ғұмырда,
Жарасқан мырзалармен қалжыңым да.
Ештеңе өз қолынан бермесе де,
Әйтеуір мырзалардың аузы мырза.
***
Тазаланған, таранған көп жақсыға,
Сүйсініп бір қарайсың алғашқыда.
Сұрауы жоқ қазына қолда тұрса,
Мырза болмай не бопты, албастыға.