Ақын өлеңдері жинағы ✍️

Жырымды қабыл алыңдар,
Өзімнен менің аумаған.
Жауқазын мұнда жаным бар,
Жазғы бір таңда жаураған.
Мектепті бітіп ізгі шақ,
Балалық, жастық жалғасып.
Оқуға кеткен қыз құсап,
Жырларым менің жолға шық.
Қарсы алып әсем таңдарды,
Жолға бір шықсын өлеңім,
Жыр сүйер аңсап жандарды,
Ботадай боздап келемін.
Көрініп тұрар шын бейнем,
Оқырман, осы өлеңім
Гүл терген қыздай күнгейден,
Аларсың теріп керегін.