Ақын өлеңдері жинағы ✍️

Кеудемнен аққан
Алысып сезім селімен,
Жеңе алмай сорлап,
Толқынға қайта көмілем.
Өтірік бәрі!
Өзімді бекер алдаппын,
Жек көре алмадым
Ұмыта алмадым сені мен!
«Жек көремін» деп,
Сендіре алмадым өзімді,
Сөндіре алмадым,
Күлге айналдырып сезімді!
Көрмесем бір сәт
Сағынышымнан сарғайып,
Жүрегім сонша езілді...
Шаршады миым...
Тәлкегін көріп тағдырдың,
Шығар жол іздеп,
Ой-орманында қаңғырдым.
Шырқырап тұрып
Қолымды саған созғанда,
Шығарып алмай,
Шыңырауда неге қалдырдың?