17.09.2022
  150

Автор: Танакөз Толқынқызы

Ұмытып кеткен шығарсыз...

Ұмытып кеткен шығарсыз,
Жылытып басқа жүректі.
Сіз ұтып кеткен шығарсыз,
Білектен тартып бір епті.
Қаламымменен көктеймін
Қанаты сынған құсымды.
Ұмытып неге кетпеймін,
Ұлытпай кеуде тұсымды?
Түбінде шыңнан құлар қыз
Білді ме жерді құшарын.
Ұмытып кеткен шығармыз
Бақтың да бастан ұшарын.


  ұмыту танакөз толқынқызы Танакөз Толқынқызы өлеңдері

Қарап көріңіз 👇

  АЙТҚЫМ КЕЛЕДІ ᐈ
  Ей, жырдағы жартыкеш жасандылық... ᐈ
  ӨМІР ᐈ
  СТРАСБУРГ ᐈ
  Қыз баламын ᐈ


Пікір жазу