17.09.2022
118

...Ішімдегі бір әлем күйреп тынды.
...Ішімдегі бір әлем күйреп тынды.
Кеттің мені өлтіріп... аямадың.
Жеті шелпек таратып илеп мұңды
Неге күнде жабырқап оянамын?
Патша - жалқы. Құл – жалқы.
Жалқы – бәрі.
Ұйқаспай-ақ қойдым-ау көктемменен.
Сорлы жүрек несіне алқынады?
Және қайғы не үшін өктем менен?
Бәрі – жалған. Бұның да өтері – нақ.
Қалай, айтшы, қарсы алдың
қиын күнді?
-Күні сөнген кеудемді көтеріп ап
Шашып ойнап келемін қиындымды.